అనగా, ముక్తినిచ్చునట్టి, మానవ స్వరూపానికి మూలమైనట్టి ,భావంలో గల చీకటిని హరింపజేసెడి ,స్వరూప జ్ఞానాన్ని ప్రసాదించెడి, ప్రాణానికి ఆధారమైనది,గోప్యంగా ఉండునది నేత్రాలకుకానరానిది,ధ్యానమునకుమాత్రమేఅందునది,హృదయాంతరాళలోనివాసముండునది,ఆనందాన్ని మాత్రమే ఇచ్చునది , అంతటా అఖండముగా ఉన్న పరబ్రహ్మమే అమ్మగా దివి నుండిభువికివచ్చినారు.    

వేదాలు దేనిని గూర్చి చెప్పుచున్నావో, సర్వ గ్రంధాలు ఏదైతే బోధించుచున్నావో, అట్టి బ్రహ్మమును వ్యక్తము చేయుటకూ  ప్రతి హృదయంలోనూ  దర్శించుటకూ, జీవితాన్ని ఆనందమయం చేయుటకూ  ఆ బ్రహ్మమే అమ్మగా వచ్చినారు.                           

ప్రస్తావన :

                 మానవుడి పరమార్ధ స్వరూపమును, ఈ విశ్వం యొక్క రహస్యాన్ని గుర్తించవలసిఉన్నది . ఈ సత్యము తెలియక సంసార దుఃఖంమును అనుభవిస్తూ , జనన మరణాలలో ,తిరుగుతున్నారు . కావున మానవుడు తన యధార్ధ స్వరూపమైన బ్రహ్మమును,శృతి ,యుక్తి ,అనుభవాల ద్వారా గుర్తించవలెను. శృతి యనగా  యదార్ధతత్వము , యుక్తి అనగా  తన జీవితమునకు తానే అతీతంగా ఉండటం, అనుభవం అనగా ,తాను బ్రహ్మ స్వరూపము అనెడి సత్యము  ఆంతర్యంలో గ్రహించుట . ఇట్టి జ్ఞానాన్ని, బ్రహ్మము అమ్మ ప్రసాదించి   ఆత్మసాక్షాత్కారమును  కలుగజేస్తున్నారు.

అమ్మ చరితం  చతుర్వేద సారం :

       అమ్మ చరితం , నామరూప జీవిత గమనం యొక్క చరితం కాదు . అమ్మ, అంతర్లీనంగా ఉన్నట్టి , అవ్యక్తంగా ఉన్నట్టి , తన స్వరూప మూలాన్ని అఖండ బ్రహ్మతత్వాన్ని, బోధిస్తున్నారు. అమ్మ తన నామరూప జీవితాలలో , బ్రహ్మస్థితిని అనుభవిస్తూ , సత్సంగులకు  అందిస్తున్నారు.  అమ్మ సదా , అనంత ఖాళీలో  మునిగి ఉంటారు.ఆ నేత్రాలకు నామరూపాలకన్నా ముందు, అందరి బ్రహ్మ స్వరూపమే కనిపించును. స్వరూపంగా తానుంటూ , స్వరూపాలనే దర్శిస్తూ, స్వరూప జ్ఞానాన్నే బోధిస్తూ, సర్వం బ్రహ్మమయం అను సత్యాన్ని అనుభవింప జేయుచున్నారు. 

అమ్మ యొక్క సాకార ఆవిర్భావలక్ష్యం :  

                      ధర్మసంస్తాపనార్దాయ సంభవామి యుగేః యుగేః ఇది శ్రీ కృష్ణ పరమాత్మ  వచనం.బ్రహ్మ సంస్తాపనార్దాయ సంభవామి హృదే హృదే.  ఇది బ్రహ్మముఅమ్మ లక్ష్యం. ప్రతి సాధు జన  హృదయాలలో, బ్రహ్మమును దర్శింప జేసి, బ్రహ్మత్వాన్ని ప్రతిష్టించి, తద్వారా శాంతి స్థాపనా  చేయుటకు, ఆ బ్రహ్మము యొక్క ఆవిర్భావం జరిగినది. సాక్ష్యాత్తూ  ఆ బ్రహ్మమే అమ్మగా వచ్చి , సత్సంగులకు , జీవన్ముక్తిని ప్రసాదించుట  జరుగుతున్నది. అమ్మ తన దివ్య వాక్కులతో సరాసరి, సాధకుల హృదయ గ్రంధిని తెరిపించి నీవు అమృత స్వరూపానివని, బ్రహ్మ స్వరూపానివని,  వచించి భ్రాంతిని తొలగించి, జనన మరణ చక్రం నుండి విడుదలనిస్తున్నారు.

 బ్రహ్మ భావనా- జ్ఞాన సాధనా సత్సంగ నిబంధనలు

1. బాహ్య సన్యాసులకు ప్రవేశం లేదు. ఇచ్చట అంతర సన్యాసం,అంతర యోగం నేర్పు గృహస్థుల సత్సంగం.
2. గృహస్థు తన జీవితాన్ని బ్రహ్మమయంగా మార్చుకొను సత్సంగం.
3. శ్రీ మాతా బ్రహ్మానందమయి , ఇంతకు ముందులా కొత్తవారికి అనుమతినిచ్చుటలేదు.
4. అన్ని నిబంధనలు తెల్సిన పాత సత్సంగులకు మాత్రమే ప్రవేశం. అది కూడా కరోనా నిబంధనలు పాటిస్తూ, అనుమతి తీస్కుని వెళ్ళాలి.
5. బ్రహ్మము అమ్మ జ్ఞాన బోధను గూర్చి ఏ వివరం తెల్సుకోవాలన్నా,అమ్మ బోధించిన బ్రహ్మ జ్ఞానం ,అమ్మ రాసిన బ్రహ్మ గ్రంధాలూ, భీమవరం బ్రహ్మం అమ్మ . కామ్ లో తెల్సుకోవలసిందిగా ప్రార్ధన.